حسن کی حفاظت:٭ناریل کے تیل کو کسی دوسرے Essential آئل کے ساتھ مکس کر کے گرم کریں اور اس مکسچر سے جسم کا مساج کریں۔ دن بھر کی تھکاوٹ کو دور کرکے دماغ اور جسم کو سکون اور آرام پہنچاتا ہے۔٭داد کی بیماری، خارش کی بیماری جب چلی جاتی ہے اس کے نشان سالہا سال تک جسم سے غائب نہیں ہوتے لیکن اگر اس کا علاج ناریل کے تیل سے کیا جائے تو ضرور فائدہ پہنچتا ہے۔ تھوڑا سا ناریل کا تیل لے کر داد والے مقام پر لگا کر کسی بینڈیج سے باندھ دیں مسلسل ایک ماہ یہ عمل کرنے سے آپ خود اس کے مثبت نتائج دیکھ کر حیران رہ جائیں گے۔دارچینی اور ناریل کے تیل کے ساتھ کوئی بھی دوسرا تیل جیسے روز میری تیل ان تینوں کو ہم وزن ملا کر نہانے سے پورے جسم پر اس مکچر سے اسکرب کریں تو جسم مستقل موئسچرائز رہے گا۔٭ناریل کے تیل کے بغیر کسی دوسری چیز کے ملاوٹ سے چہرے اور ہاتھوں پر لگانے سے نہ صرف ہاتھوں پر لگانے سے نہ صرف جھریوں اور لائنوں کا خاتمہ ہوتا ہے بلکہ یہ چہرے پر دانے بننے کے عمل کو بھی روکتا ہے۔٭ناریل کا تیل بہترین سن بلاک کا کام بھی سرانجام دیتا ہے اگر آپ کے پاس سن بلاک نہیں ہے تو آپ اس تیل کو بطور سن بلاک استعمال کرسکتی ہیں نہ صرف یہ بلکہ یہ جسم میں وٹامن ڈی کی کمی کو بھی پورا کردیتا ہے جو کہ عام طور پر دوسرے کسی سن بلاک میں نہیں ہوتا۔٭ناریل کا تیل بہترین ہیئرٹانک بھی ہے۔ اگر آپ اپنے بالوں میں کوئی خاص لک دینا چاہتی ہیں تو رات سونے سے پہلے اپنے بالوں کی جڑوں سے نوکوں تک ناریل کا تیل خوب لگائیں اور پھر شاور کیپ پہن لیں اگلے دن صبح‘ بال کسی اچھے شیمپو سے دھو ڈالیں بالوں میں چمک اورنرماہٹ پیدا ہو جائے گی۔٭اس طرح ناریل کے تیل استعمال بالوں میں سے خشکی بھی ختم کرنے کا سبب بنتا ہے۔ ٭شیو کرنے کے بعد اکثر مرد حضرات کو الرجی یا سوجن کی شکایت ہونے لگتی ہے اس تکلیف کو دور کرنے کے لیے متاثرہ مقام پر ناریل کا تیل لگانے سے فائدہ ہوتا ہے۔٭کیڑے کے کاٹنے سے ہونے والے زخم پر بھی ناریل کا تیل لگایا جاسکتا ہے۔٭ناریل کا تیل میک اپ ریموور کے طور پر بھی استعمال کیا جاسکتا ہے یہ آئی میک اپ کو اور مسکارا ہٹانے کے لیے بھی بہت اچھا ہے اس کے علاوہ یہ میک اپ ہٹانے کے ساتھ ساتھ چہرے کی جلد کو موئسچر ائز اور صاف کرتا ہے۔٭ناریل کا تیل اندرونی اور بیرونی طور پر ہمارے جسم میں ایکنی کو ختم کرنے میں اہم کردار ادا کرتا ہے۔
اندرونی طور پر اسے کھانے کے لیے استعمال کرتے ہیں تو وہ ہمارے ہارمونز کو متوازن رکھتا ہے جس کی وجہ سے دانے نہیں نکلتے اور بیرونی طور پر اگر جسم پر ہونے والے دانوں پر اس تیل کو لگایا جائے تو یہ اینٹی بیکٹیریل کا کام کرتا ہے۔ ٭اگر آپ اپنی پلکیں لمبی اور گھنی بنانا چاہتے ہیں تو روزانہ رات کو سونے سے پہلے ناریل کے تیل کی ایک بہت ہلکی تہہ لگائیں۔ متواتر ایک ماہ تک عمل کرنے سے پلکیں لمبی اور گھنی ہوجائیں گی۔